ᐊᐅᓚᑦᑎᔨᓄᑦ ᐅᓂᒃᑳᓕᐊᑦ ᓇᐃᓈᖅᑕᐅᓯᒪᔪᑦ
ᓯᕗᓪᓕᖅᐹᑦ ᐅᖃᐅᓯᒃᓴᐃᑦ ᖃᓄᕐᓗ ᐱᒋᐊᖄᓚᐅᖕᒪᖔᑕ
ᑖᒃᑯᓇᓃᖃᑕᐅᔪᑦ ᐅᓂᒃᑳᓕᐊᑦ ᐅᖃᐅᓯᖃᖅᐳᑦ ᖃᐅᔨᔭᐅᓯᒪᔪᓂᒃ ᐃᓄᖁᑎᒋᔭᐅᔪᓄᑦ ᑕᖄᓂ ᐃᓱᒪᒋᔭᐅᓯᒪᔪᓂᒃ ᖃᐅᔨᓴᖅᑕᐅᓚᐅᖅᑐᓂᒃ ᑐᕌᖓᔪᓂᒃ ᐱᓕᕆᕕᒃᓴᖅᓯᐅᕐᓂᕐᒥᒃ ᐊᒻᒪᓗ ᐃᓄᐃᑦ ᐱᕙᓪᓕᐊᔾᔪᑎᒃᓴᕆᔪᓐᓇᖅᑕᖏᓐᓂᒃ ᐱᕙᓪᓕᐊᔪᓕᕆᓂᖏᓐᓂᒃ ᑲᓇᑕᒥ, ᐱᓪᓗᑎᒃ ᐃᓄᖕᓂᒃ ᓄᓇᕗᒻᒥ ᐃᓄᓕᒪᖅᓯᐅᑎᓂᒡᓗ ᒐᕙᒪᒃᑯᓂᒃ ᐱᓕᕆᕕᒃᓴᓂᐅᔪᓂᒃ ᐊᒻᒪᓗ ᑐᑭᓯᓂᐊᕈᑕᐅᔪᓂᒃ ᑕᒪᒃᑯᓂᖓ ᖃᐅᔨᔭᐅᓚᐅᖅᑐᓂᒃ. ᖃᐅᔨᓴᖅᑕᐅᓚᐅᖅᑐᑦ ᑕᒪᐃᓐᓂᒃ ᐊᑐᖅᓱᑎᒃ ᐅᖄᓚᐅᑎᒃᑯᑦ ᖃᕆᑕᐅᔭᒃᑯᓪᓗ ᐅᖓᓯᒃᑐᒥᒃ (ᑕᐃᔭᐅᔪᓂᒃ ᓄᓇᕗᒻᒥ ᐃᓄᐃᑦ ᑐᑭᓯᓂᐊᕐᕕᐅᓂᖏᓐᓂᒃ) ᓄᓇᕗᒻᒥ ᐃᓄᖁᑎᖏᓐᓂᒃ. ᑐᑭᓯᓂᐊᖅᑎᖃᐅᓚᐅᕆᕗᑦ ᑎᒥᐅᔪᓂᒃ ᒪᕐᕈᖕᓂᒃ ᓄᓇᕗᒻᒥ ᓄᓇᓖᖕᓂ. ᑕᒪᒃᑯᐊ ᐃᓄᖁᑎᒋᔭᐅᔪᓄᑦ ᖃᓄᖅ ᐃᓱᒪᒋᔭᐅᖕᒪᖔᑕ ᑐᑭᓯᓂᐊᕈᑕᐅᓚᐅᖅᑐᖅ ᐊᑐᓕᖅᑎᑕᐅᓚᐅᖅᑐᖅ ᑐᖓᕕᐅᓪᓗᑎᒃ ᑕᐃᒃᑯᐊ ᑐᕋᒐᕆᔭᐅᓂᖏᑦ ᐊᒻᒪᓗ ᐱᓕᕆᐊᖑᔪᓐᓇᕐᓂᖏᑦ ᐅᖃᐅᓯᐅᓯᒪᔪᑦ 23-ᒥ ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑎᓂ.
1993−ᖑᑎᓪᓗᒍ, ᑲᓇᑕᐅᑉ ᒐᕙᒪᒃᑯᖏᑦ, ᓄᓇᑦᓯᐊᑉ ᒐᕙᒪᒃᑯᖏᓐᓂᑦ, (ᐊᓯᔾᔨᖅᑕᐅᓚᐅᖅᓯᒪᔪᑦ ᓄᓇᕗᑦ ᒐᕙᒪᒃᑯᖏᓐᓄᑎ) ᐃᓄᐃᓪᓗ ᓄᓇᑖᖃᑕᐅᔪᓂ ᓄᓇᕗᒻᒥ, ᑭᒡᒐᖅᑐᖅᑕᐅᓚᐅᕐᒪᑕ ᑐᓐᖓᕕᒃᑯᑦ ᕕᑐᕇᓴᖏᓐᓄᑦ ᓄᓇᕗᒻᒥ (ᐊᓯᔾᔨᖅᑕᐅᓚᐅᖅᓯᒪᔪᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᓄᑦ (ᑐᖓᕕᒃᑯᓐᓄᑦ)), ᐊᖏᖃᑎᒋᒐᓱᐊᓕᓚᐅᖅᓯᒪᒐᒥᒃ ᐊᒻᒪᓗ ᐊᑎᓕᐅᖅᑕᐅᓗᑎᒃ ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑏᑦ. ᐊᑎᓕᐅᖅᑕᐅᒐᒥ ᓄᓇᑖᕈᑎᖓᑦ, ᒪᓕᒐᓕᐅᓚᐅᖅᐳᑦ ᓄᓇᕗᑦ ᒪᓕᒐᖓᓂᒃ (1993) ᐊᑐᖅᑕᐅᓕᓚᐅᖅᑐᒥᒃ ᐱᓐᖑᖅᑎᑦᑎᔪᓐᓇᖅᓯᓂᕐᒧᑦ ᓄᓇᕗᒻᒥᒃ ᐄᐳ 1, 1999−ᖑᑎᓪᓗᒍ. ᐃᓚᖓᓂᒃ ᑐᕌᒐᖃᓚᐅᖅᓯᒪᔪᑦ ᐃᓕᑕᕆᔭᐅᓯᒪᔪᒥᒃ ᓄᓇᕘᒻᒥ ᓄᓇᑖᕈᑎᑎᒍᑦ ᐱᔾᔪᑎᖃᕐᒪᑕ ᐊᒥᓱᓂᖅᓴᐅᔭᕆᐊᖃᕐᓂᖏᓐᓂᒃ ᐃᓄᐃᑦ ᐃᓚᒋᔭᐅᔭᕆᐊᖃᖅᑐᓂᒃ (ᓄᓇᕗᒻᒥ ᓄᓇᑖᖃᑕᐅᓯᒪᓗᑎᒃ) ᒐᕙᒪᒃᑯᓐᓂᒃ ᐱᓕᕆᐊᒃᓴᖃᖃᑕᐅᔪᓂ ᓄᓇᕗᒻᒥ. ᐊᒥᓱᕈᕆᐊᖅᑕᐅᖁᓪᓗᒋᑦ ᐱᓕᕆᔨᐅᖃᑕᐅᔪᑦ ᐃᓄᐃᑦ ᓄᓇᑖᖃᑕᐅᓯᒪᔪᓂᒃ ᓄᓇᕗᒥ, ᐃᓗᓕᖏᑦ 23−ᒥᑦᑐᑦ ᓄᓇᑖᕈᑎᓂ ᐃᓕᑕᖅᓯᓯᒪᖕᒪᑕ ᐱᑕᕆᐊᖃᕐᓂᖅ ᓴᓇᓯᒪᖃᑦᑕᕐᓗᑎᒃ ᓄᓇᕗᒻᒥ ᐃᓄᖕᓂᒃ ᓴᓇᔨᑕᖃᑦᑎᐊᕆᐊᕐᓂᖏᓐᓂᒃ ᖃᐅᔨᓴᖅᑕᐅᓯᒪᔪᓂᒃ (NILFA−ᓂᒃ) “ᐱᑕᖃᕈᑕᐅᓂᐊᕐᒪᑕ ᐅᓂᒃᑳᖅᓯᒪᑎᐊᖅᑐᓂᒃ ᑐᑭᓯᓂᐊᕈᑕᐅᓯᒪᔪᓂᒃ ᐱᓕᕆᔨᑕᖃᖅᑎᒋᓂᖏᓐᓂᒃ ᓄᓇᕗᒻᒥ ᓄᓇᑖᕐᕕᐅᓯᒪᓂᕐᒥ ᐃᓄᖕᓂᒃ”. ᑕᐃᒪᐃᓐᓂᖏᓐᓄᑦ, ᐱᑕᖃᕈᑕᐅᕗᑦ ᑕᐃᒃᑯᐊ ᖃᐅᔨᒪᔭᐅᑦᑎᐊᕈᓐᓇᕐᓂᐊᕐᒪᑕ “ᐊᑐᐃᓐᓇᐅᓂᖏᑦ, ᐃᓚᐅᔪᒪᓂᖏᑦ ᐊᒻᒪᓗ ᐸᕐᓇᒃᓯᒪᕙᒌᕐᓂᖏᑦ ᐃᓄᐃᑦ ᓄᓇᕗᒻᒥ ᒐᕙᒪᒃᑐᓐᓂᒃ ᐱᓕᕆᔨᖑᕈᓐᓇᕐᓂᖅ” (ᓄᓇᕗᒻᒥ ᓄᓇᑖᕈᑎᓃᑦᑐᑦ, ᐃᓗᓕᖏᑦ 23.3.1) ᐊᒻᒪᓗ “ᑐᑭᓯᓂᐊᖅᑕᐅᑦᑎᐊᕐᓗᑎᒃ ᒫᓐᓇᐅᔪᖅ ᖃᓄᖅ ᐊᔪᖏᓐᓂᖃᖅᑎᒋᓂᖏᑦ ᐊᒻᒪᓗ ᖃᓄᖅ ᐃᓕᑕᕆᔭᐅᓯᒪᔪᓂᒃ ᐃᓕᓐᓂᐊᖅᓯᒪᓂᖃᕐᒪᖔᑖ ᐃᓄᐃᑦ ᓴᓇᔨᐅᖃᑕᐅᓕᕈᓐᓇᖅᑐᑦ” (ᓄᓇᕗᒻᒥ ᓄᓇᑖᕈᑎᓃᑦᑐᑦ, ᐃᓗᓕᖏᑦ 23.3.2). ᐃᑲᔪᖅᓱᖅᑕᐅᑦᑎᐊᖁᓪᓗᒋᑦ ᐱᕙᓪᓕᐊᔪᓐᓇᕐᓂᖏᑦ ᑕᐃᒃᑯᐊ ᓯᕗᓂᒃᓴᒥ ᓄᓇᕗᒻᒥ ᐃᓄᖕᓂᒃ ᓴᓇᔨᑕᖃᑦᑎᐊᕆᐊᕐᓂᖏᓐᓂᒃ ᖃᐅᔨᓴᖅᑕᐅᓯᒪᔪᓂᒃ (NILFA−ᓂᒃ) ᑲᓇᑕᐅᑉ ᒐᕙᒪᒃᑯᖏᑕ ᐱᓕᕆᕕᖁᑎᖓᑦ ᐃᖃᓇᐃᔭᖅᑎᓕᕆᓂᕐᒧᑦ/ᐱᓕᕆᔨᓕᕆᓂᕐᒧᑦ ᐊᒻᒪᓗ ᐃᓄᐃᑦ ᐱᕙᓪᓕᐊᔾᔪᑎᒃᓴᖏᓐᓂᒃ ᑎᓕᓯᓚᐅᖅᑐᑦ ᖃᐅᔨᓴᖅᑎᓂᒃ ᑕᐃᔭᐅᔪᓂᒃ ᒫᓚᑎᐊᔅᑎᒃᑯᓐᓂᒃ, ᖃᐅᔨᒋᐊᖅᑎᐅᓂᕐᒧᑦ ᐃᓄᓕᒪᓂᒃ ᐃᓱᒪᒋᔭᐅᔪᓂᒃ ᑐᑭᓯᓂᐊᕈᑕᐅᓂᖏᓐᓂᒃ (ᓄᓇᕗᒻᒥ ᐃᓄᐃᑦ ᑐᑭᓯᓂᐊᕈᑕᐅᓂᖏᑦ) ᐊᒻᒪᓗ ᑎᒥᖁᑎᖃᓚᐅᖅᓱᑐᑎᒃ ᑕᒪᒃᑯᓂᖓ ᐱᓕᕆᐊᖃᖅᑎᑕᐅᓚᐅᖅᑐᓂᒃ ᐃᓄᖕᓂᒃ ᓄᓇᕗᒥ, ᐃᓕᑕᕆᔭᐅᖁᓪᓗᒋᑦ ᐊᑐᐃᓐᓇᐅᔪᓐᓇᕐᓂᖏᑦ, ᐃᓚᐅᔪᒪᓂᖏᑦᒪ, ᐸᕐᓇᒃᓯᒪᕙᒋᑦᑎᐊᕈᓐᓇᕐᓂᖏᓪᓗ ᐃᓄᓕᒪᖅᓯᐅᑎᓂᒃ ᒐᕙᒪᒃᑯᓐᓂᒃ ᐱᓕᕆᐊᖅᑖᖃᑕᐅᔪᓐᓇᕐᓂᖅ. ᑕᐃᒪᐃᓂᖏᓐᓄᑦ ᑖᒃᑯᐊ ᐅᓂᒃᑲᓕᐊᑦ ᐅᖃᐅᓯᖃᖅᐳᑦ ᓴᕿᑕᐅᓯᒪᓕᖅᑐᓂᒥᒃ ᑕᐃᒃᑯᓇᖓᑦ ᑐᑭᓯᓂᐊᕈᑕᐅᓚᐅᖅᑐᓂᒃ ᐊᒻᒪᓗ ᑐᑭᓯᓂᐊᖅᑕᐅᓚᐅᖅᑐᓂᒃ ᑎᒥᖁᑎᒋᔭᐅᓚᐅᖅᑐᓂᒃ ᖃᐅᔨᔭᐅᓯᒪᓕᖅᑐᓂᒃ.
ᐱᐅᓯᕆᔭᐅᓚᐅᖅᑐᑦ ᐊᑐᖅᑕᐅᓚᐅᖅᑐᑦ ᖃᐅᔨᓴᕈᓯᕆᔭᖏᓐᓂ
ᖃᐅᔨᒪᔾᔪᑎᒃᓴᐃᑦ ᑲᑎᖅᓱᖅᑕᐅᓚᐅᕐᒪᑕ ᑕᐃᒃᑯᑎᒎᓇ ᓄᓇᕗᒻᒥ ᐃᓄᐃᑦ ᑐᑭᓯᐊᓂᐊᕈᑕᐅᓂᖏᓐᓂ ᐊᒻᒪᓗ ᓄᓇᓕᖕᓂ ᐱᓕᕆᔨᐅᑎᑕᐅᓚᐅᖅᑐᓂᒃ. ᑐᑭᓯᓂᐊᕈᑕᐅᓚᐅᕐᒪᑕ ᖃᕆᑕᐅᔭᒃᑯᑦ ᐅᖓᓯᒃᑐᒃᑯᑦ ᐊᒻᒪᓗ ᐅᖄᓚᐅᑎᒃᑯᑦ 500−ᓄᑦ ᐃᓄᖕᓄᑦ ᓄᓇᕗᒻᒦᑦᑐᓄᑦ, ᓄᓇᕗᒻᒥ ᓄᓇᑖᖃᑕᐅᓯᒪᔪᓂᒃ ᐅᑭᐅᖃᖅᑐᓂᒃ ᐊᑯᓐᓂᖏᓐᓂᒃ 18 ᐊᒻᒪᓗ 64 ᐊᕐᕋᒍᓂᒃ. ᑐᕌᒐᕆᔭᐅᓚᐅᖅᑐᑦ 500−ᖏᓃᑦᑐᑦ ᐱᔭᕇᖅᑕᐅᔪᐃᓐᓇᐅᓚᐅᖅᑐᑦ. ᖃᐅᔨᓴᖅᑕᐅᓂᖏᓐᓄᑦ ᒪᓕᒐᐃᑦ ᓴᓇᔭᐅᓚᐅᖅᑐᑦ ᑐᑭᓯᓂᐅᑦᑎᐊᖄᓚᐅᖅᓱᑎᒃ ᐱᓕᕆᔨᓕᕆᔨᒃᑯᑦ ᐃᓄᖕᓂᒡᓗ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᕕᖏᑦ, ᑐᖓᓐᕕᒃᑯᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ. ᐊᑐᓂ ᐊᐱᖅᓱᖅᑕᐅᖃᑦᑕᓚᐅᖅᑐᑦ ᐊᑯᓂᐅᖃᖅᑎᒋᕙᓚᐅᖅᑐᓂᒃ 18-20 ᒥᓂᑦᓯᓕᖕᓂᒃ (ᖃᐅᔨᓴᐅᑎᑯᑦ).
ᖃᐅᔨᒪᔭᐅᓂᐊᖅᐳᖅ ᑕᐃᒃᑯᐊ 500−ᖏᓂᓚᐅᖅᑐᑦ ᑭᐅᖃᑦᑕᓚᐅᖅᑐᑦ ᐊᐱᖅᓱᖅᑕᐅᓂᖏᓄᑦ ᐊᐱᖅᓱᖅᑕᐅᖃᑦᑕᓚᐅᖅᑐᑦ ᐅᖄᓚᐅᑎᑐᐃᓐᓇᕐᒥᒍᑦ ᐊᖏᕐᕋᖏᓐᓂ ᐊᒻᒪᓗ ᐅᖄᓚᐅᑎᕋᓛᒃᑯᑦ ᓇᒃᓴᒐᖅᑎᒍᑦ, ᐊᒻᒪᓗ ᐊᖏᖅᓯᒪᔪᐃᓐᓇᐅᓚᐅᖅᓱᑎᒃ ᐊᐱᓱᖅᓱᑕᐅᔪᒪᓂᕐᒥᓄᑦ. ᑕᐃᒪᐃᓂᖏᓐᓄᑦ ᐃᓱᒪᒋᔭᐅᓯᒪᔪᓂᒃ ᑕᒪᐃᓐᓄᑦ ᓄᓇᕗᒻᒥᐅᓕᒫᓄᑦ ᐱᓯᒪᔪᐃᓐᓇᐅᖏᓚᒍᑦ.
ᒪᑯᐊ ᑕᒡᕙ ᖃᐅᔨᔭᐅᓚᐅᖅᑐᑦ ᑐᑭᓯᓂᐊᖅᑕᐅᔪᓂᒃ ᐊᑕᓃᑦᑐᓂᒃ, ᐅᖃᐅᓰᑦ ᐊᑐᖅᑕᐅᓂᖏᑦ “ᓈᓴᖅᑕᐅᓯᒪᔪᓂᒃ ᐱᒻᒪᕆᐅᓂᕋᐃᔪᑦ” ᐊᑐᖅᑕᐅᕙᓚᐅᖅᑐᑦ ᖃᐅᔨᒪᔭᐅᖁᔨᓂᖅ ᐊᔾᔨᒋᖏᓐᓂᖏᓐᓂᒃ ᑎᒥᐅᔪᑦ ᐱᒻᒪᕆᐅᖃᑦᑕᓚᐅᕐᒪᑕ ᐃᒪᓐᓇ ᓇᓗᓇᐃᒃᑯᑦᑎᖅᑕᐅᓯᒪᓪᓗᑎᒃ ᖃᓪᓗᓇᑎᑐᑦ p ≤ 0.05. ᓇᓴᖅᑕᐅᓯᒪᓂᖏᓐᓂ ᐱᒻᒪᕆᐅᓂᖃᕐᓂᖏᑦ ᑐᖓᕕᐅᓂᖅᓴᐅᔪᓐᓇᖅᑐᓂᒃ ᖃᐅᔨᒪᓐᓇᖃᑦᑕᓚᐅᖅᑐᑦ ᐊᖏᔫᑎᐅᓂᖅᓴᐅᔪᓂ ᑎᒥᖁᑎᒋᔭᐅᔪᓂ, ᐊᒥᓲᖏᓐᓂᖅᓴᐅᔪᓂ ᑎᒥᐅᔪᓂ ᑎᑭᐅᑎᔪᓐᓇᓚᐅᖏᒻᒪᑕ ᐱᒻᒪᕆᐅᓂᖃᕈᓐᓇᕐᓂᖏᓐᓂᒃ ᓈᓴᖅᑕᐅᓯᒪᓂᖏᓐᓂ.
ᑕᐃᒃᑯᐊ ᖃᐅᔨᓴᖅᑎᐅᔪᑦ ᑎᒥᖁᑎᖏᑦ ᒪᓕᒐᒃᓴᖃᖅᑎᑕᐅᓚᐅᕐᒪᑕ ᓴᓇᔭᐅᓯᒪᓚᐅᖅᑐᓂᒃ ᑖᒃᑯᐊ ᐱᓕᕆᔨᓕᕆᔨᖏᓐᓄᑦ ᐃᓄᖕᓂᒡᓗ ᐱᕙᓪᓕᐊᔪᓕᕆᔨᖏᓐᓄᑦ, ᑐᓐᖓᕕᒃᑯᓐᓄᑦ, ᓄᓇᕗᑦ ᒐᕙᒪᒃᑯᖏᓐᓄᓪᓗ. ᓯᕗᓪᓕᕐᒥ, ᐱᓕᕆᔪᖃᕐᓂᓚᐅᖅᑐᖅ ᑕᐅᕙᓂ ᖁᕐᓗᖅᑑᕐᒥᓗ ᒪᕐᕈᖕᓂᒡᓗ ᑲᖏᖅᖠᓂᕐᒥ ᐊᒻᒪᓗ ᒪᕐᕉᖕᓂᒃ ᐃᖃᓗᖕᓂ. ᓯᓚᓗᖃᑦᑕᓚᐅᕐᓂᖓᓄᑦ ᑎᑭᑕᐅᔪᓐᓇᐃᓕᓚᐅᕐᒪᑦ ᐃᖃᓗᐃᑦ, ᐃᖃᓗᖕᓂ ᐊᐱᖅᓱᖅᑕᐅᓂᐊᓚᐅᖅᑐᑦ ᖁᔭᓈᖅᑕᐅᓕᓚᐅᖅᑐᑦ. ᐃᓚᒋᐊᖅᑕᐅᒃᑲᓐᓂᓕᓚᐅᖅᑐᖅ ᐱᓕᕆᐊᖃᕐᓂᐊᓚᐅᖅᑐᑦ ᑲᖏᖅᖠᓂᕐᒥ. ᑕᐃᒪᐃᓐᓂᖓᓄᑦ, ᓯᑕᒪᐅᓪᓗᑎᒃ ᐱᓕᕆᑎᑕᐅᓚᐅᖅᑐᑦ ᐊᑐᓂ ᐊᐱᖅᓱᓚᐅᖅᑐᑦ 29−ᓂᒃ ᐃᓄᖕᓂᒃ. ᑕᐃᒃᑯᐊ ᖃᐅᔨᓴᖅᑎᖏᑦ ᑎᒥᖁᑎᖏᑦ ᐱᓕᕆᕙᓚᐅᖅᑐᑦ ᑕᒪᐃᓐᓂᒃ ᖃᓂᒋᔭᖏᓐᓂᒃ ᒪᕐᕈᖕᓂᒃ 2 ᐃᑲᕐᕌᖕᓂᒃ. ᑕᐃᒃᑯᐊ ᖃᐅᔨᓴᖅᑎᓄᑦ ᖃᐅᔨᔭᓚᐅᖅᑐᑦ ᐱᔾᔪᑎᖃᖅᑐᑦ ᐱᐅᔪᓂᖏᓐᓂᒃ ᐊᒥᓱᓂᖏᓐᓂᐅᖏᑦᑐᖅ, ᓴᕿᑎᑕᐅᓯᒪᔪᓪᓗ ᐅᖃᐅᓯᐅᓯᒪᔪᑦ ᑕᒡᕙᓂ ᐅᓂᒃᑲᓕᐊᓂᒃ ᐅᖃᐅᓯᖃᖅᐳᑦ ᐃᓚᐅᓚᐅᖅᑐᓄᑦ ᐃᓱᒪᒋᔭᐅᓚᐅᖅᑐᓂᒃ, ᑭᒡᒐᖅᑐᐃᓂᕋᖅᑕᐅᔭᕆᐊᖃᕋᑎᒃ ᐃᓄᓕᒫᓂᒃ ᐃᓱᒪᒋᔭᓯᒪᔭᖏᓐᓂᒃ ᓄᓇᕗᒻᒥ.
ᐱᓪᓗᐊᑕᐃᑦ ᖃᐅᔨᔭᐅᓚᐅᖅᑐᑦ
ᐃᓄᐃᑦ ᓇᓃᓐᓂᖏᑦ ᖃᓄᐃᓕᖓᓂᖏᓐᓂᒡᓗ ᖃᐅᔨᑎᑦᑎᒋᐊᕈᑏᑦ
ᑲᑎᓪᓗᒋᑦ 500 ᐃᓄᐃᑦ ᐃᓚᐅᓚᐅᕐᒪᑕ ᐊᐱᖅᓱᖅᑕᐅᓚᐅᖅᑐᓂ. ᐊᒥᓱᓂᖅᓴᐃᑦ ᑭᐅᖃᑦᑕᓚᐅᖅᑐᓂᒃ ᐊᕐᓇᐅᓚᐅᖅᑐᑦ (63% ᐳᓴᓐᑏᑦ ᐳᓴᓐᑎᑦ), ᐊᒥᐊᒃᑯᖏᓪᓗ 1/3-ᒥᓪᓗᐊᖅᑐᑦ ᐊᖑᑕᐅᓪᓗᑎᒃ (37% ᐳᓴᓐᑏᑦ ᐳᓴᓐᑏᑦ). ᐅᖓᑕᓃᑦᑐᑦ ᓇᑉᐸᖏᑦ/ᐊᕝᕙᖏᑦ ᐊᐱᖅᓱᖅᑕᐅᓚᐅᖅᑐᑦ ᐅᖃᐅᓯᖃᓚᐅᖅᑐᑦ ᐅᑭᐅᖃᕐᓂᕋᐃᓂᒃ ᐃᖕᒥᓂᒃ ᑕᐃᑲᖓᑦ 30−ᓂᒃ 54−ᓄᑦ ᐊᕐᕋᒍᖃᕐᓂᖅ (56% ᐳᓴᓐᑏᑦ ᐳᓴᓐᑏᑦ), ᐃᓚᐃᓐᓇᑯᓗᖏᑦ ᐊᒥᓱᖏᑦᑐᑦ (3% ᐳᓴᓐᑏᑦ ᐳᓴᓐᑏᑦ) ᑭᐅᖃᑦᑕᓚᐅᖅᑐᑦ ᐅᑭᐅᖃᕐᓂᕋᐃᓪᓗᑎᒃ ᐊᓐᓂᖏᓐᓂᒃ 18−ᓂᒃ 19−ᓄᑦ ᐅᑭᐅᖃᕐᓂᕐᒥᓂᒃ. (ᑕᑯᓗᒋᑦ ᐊᕕᒃᑐᖅᓯᒪᔪᓂᒃ ᑕᑯᑎᑦᑎᔾᔪᑏ A.1).
| ᐅᑭᐅᖅᑲᖅᑎᒋᓂᖏᑦ | % ᐳᓴᓐᑏᑦ ᐳᓴᓐᑎᖏᑦ ᑭᐅᕙᓚᐅᖅᑐᑦ |
|---|---|
| 18-ᓂᒃ 19−ᓄᑦ ᐊᕐᕋᒍᓖᑦ | 3% ᐳᓴᓐᑏᑦ |
| 20-ᓂᒃ 24−ᓄᑦ ᐊᕐᕋᒍᓖᑦ | 10% ᐳᓴᓐᑏᑦ |
| 25-ᓂᒃ 29−ᓄᑦ ᐊᕐᕋᒍᓖᑦ | 13% ᐳᓴᓐᑏᑦ |
| 30-ᓂᒃ 54−ᓄᑦ ᐊᕐᕋᒍᓖᑦ | 56% ᐳᓴᓐᑏᑦ |
| 55-ᓂᒃ ᐊᕐᕋᒍᓖᑦ ᐅᖓᑕᓃᓗᓐᓃᑦ | 16% ᐳᓴᓐᑏᑦ |
| ᑭᐅᓚᐅᖏᑦᑐᑦ | 2% ᐳᓴᓐᑏᑦ |
| n = 500. (DE_02). ᐊᕐᕋᒍᒥ ᖃᖓ ᐃᓄᓚᐅᖅᐱᑦ? | |
38-ᖏᓃᓚᐅᖅᑐᑦ (38% ᐳᓴᓐᑏᑦ) ᕿᑭᖅᑖᓗᖕᒥᐅᑕᐅᓚᐅᖅᑐᑦ (ᐃᖃᓗᐃᑦ ᓯᓚᑖᓂᒃ), 30% ᐳᓴᓐᑏᑦ ᑭᕙᓪᓕᕐᒥᐅᑕᐅᓚᐅᖅᑐᑦ, 19% ᐳᓴᓐᑏᑦ ᐳᓴᓐᑎᖏᑦ ᕿᑎᖅᒥᐅᑕᐅᓚᐅᖅᑐᑦ ᐊᒻᒪᓗ 13% ᐳᓴᓐᑏᑦ ᐃᖃᓗᖕᒥᐅᑕᐅᓚᐅᖅᑐᑦ.
ᐊᕝᕙᓪᓗᐊᑲᓴᖏᑦ (47% ᐳᓴᓐᑏᑦ ᐳᓴᑏᑦ) ᑭᐅᖃᑦᑕᓚᐅᖅᑐᑦ ᐃᓕᓐᓂᐊᓂᒃᓯᒪᓚᐅᖅᑐᑦ ᖁᑦᑎᖕᓂᖅᓴᓂᒃ ᓇᓕᖃᖏᓐᓂᒡᓗᓐᓂᑦ, ᐊᒻᒪᓗ 60% ᐳᓴᓐᑏᑦ ᐱᔭᕇᖅᓯᒪᓪᓗᑎᒃ ᐃᓕᓐᓂᐊᒃᑲᓐᓂᕈᑎᒃᓴᓂᒃ, ᐊᔪᕈᓐᓂᖅᓴᐃᕝᕕᖕᓂᒃ ᐅᕝᕙᓗᓐᓂᑦ ᐊᓯᖏᓐᓂᒃ ᐃᓕᓐᓂᐊᕈᑎᓂᒃ. ᑕᐃᔅᓱᒪᓂ ᐊᐱᖅᓱᖅᑕᐅᓕᕋᒥᒃ, ᑭᐅᖃᑦᑕᓚᐅᖅᑐᑦ ᐃᒪᐃᓕᖓᓚᐅᖅᐳᑦ:1
- ᐱᓕᕆᕕᓖᑦ (58% ᐳᓴᓐᑏᑦ)
- ᑮᓇᐅᔭᓕᐅᖃᑕᐅᖏᑦᑑᒐᓗᐊᑦ ᑭᓯᐊᓂ ᐃᓚᐅᖃᑦᑕᓚᐅᖅᑐᑦ ᐃᓚᒥᓄᑦ ᑲᒪᔨᐅᖃᑕᐅᓂᖅ ᐊᒻᒪᓗ/ᐅᕝᕙᓗᓐᓂᑦ ᓄᓇᓕᖕᓂ/ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖑᕙᒃᑐᓄᑦ ᐃᓚᒋᔭᐅᓂᖅ (39% ᐳᓴᓐᑏᑦ);
- ᐊᑎᓕᐅᖃᑕᐅᓯᒪᓚᐅᖅᑐᑦ ᐃᓕᓐᓂᐊᕈᑎᓂᒃ ᐊᐱᖅᓱᖅᑕᐅᓂᖏᓐᓂ (21% ᐳᓴᓐᑏᑦ); ᐊᒻᒪᓗ
- ᐱᓕᕆᕕᖃᓚᐅᖏᑦᑐᑦ (2% ᐳᓴᓐᑏᑦ).
ᑐᑭᓯᓂᐊᕈᑕᐅᓂᖏᓐᓂ, ᐊᔾᔨᒋᖏᓐᓂᖏᓐᓂᒃ ᖃᐅᔨᓴᖅᑕᐅᓚᐅᕐᒥᔪᑦ ᑭᐅᔾᔪᑎᖏᓐᓂᒃ ᐊᕕᒃᑐᖅᑕᐅᓯᒪᓪᓗᑎᒃ ᐅᖃᐅᓯᕐᓂᒃ ᐊᑐᕈᓐᓇᖅᑕᖏᓐᓂᒃ (ᐃᓄᒃᑎᑐᑦ ᐃᓄᐃᓐᓇᖅᑐᓪᓗ) ᐊᒻᒪᓗ ᖃᓗᓈᑎᑐᑦ.2 ᖃᓂᒋᔭᖏᑦ ¼−ᓗᐊᑦ (22% ᐳᓴᓐᑏᑦ) ᑭᐅᖃᑦᑕᓚᐅᖅᑐᑦ ᐅᖃᖃᑦᑕᓚᐅᖅᑐᑦ ᐊᑲᐅᒃᓴᕐᓂᕐᒥᓂᒃ ᐅᖃᕈᓐᓇᕐᓂᖅ, ᐅᖃᓕᒪᕈᓐᓇᕐᓂ ᐊᒻᒪᓗ ᑎᑎᕋᕈᓐᓇᕐᓂᖅ ᑕᒪᐃᓐᓂᒃ ᐃᓄᒃᑎᑐᑦ−ᐃᓄᐃᓐᓇᑐᑦ ᐊᒻᒪᓗ ᖃᓗᓈᑎᑐᑦ. ᐊᒻᒪᑕᐅᖅ ᓱᓕ ᐃᓚᖃᓕᐅᕆᕗᑦ 31% ᐳᓴᓐᑎᓂᒃ ᑭᐅᖃᑦᑕᓚᐅᖅᑐᓂᒃ ᐊᑲᐅᒃᓴᕐᓂᕋᐃᓂᖅ ᐅᖃᕈᓐᓇᕐᓂᖅ ᐃᓄᒃᑎᑐᑦ/ᐃᓄᐃᓐᓇᖅᑐᓐ ᐊᒻᒪᓗ ᖃᓪᓗᓈᑎᑐᑦ (ᐊᑲᐅᒃᓴᖏᒃᑲᓗᐊᖅᓱᑎᒃ ᐅᖃᓕᒪᕈᓐᓇᕐᓂᖅ ᑎᑎᕋᕈᓐᓇᕐᓂᕐᒡᓗ ᑕᒪᐃᓐᓂᒃ ᖃᓪᓗᓇᑎᑐᓪᓗ ᐃᓄᒃᑎᑐᓪᓗ/ᐃᓄᐃᓐᓇᖅᑐᓐ).
ᑕᒪᓂᓪᓗᐊᓚᐅᖅᑐᑦ 1/5−ᖏᓂ ᑭᐅᖃᑦᑕᓚᐅᖅᑐᑦ ᐅᖃᓚᐅᖅᑐᑦ ᒐᕙᒪᐅᔪᓂᒃ ᐱᓕᕆᔨᐅᓂᖏᓐᓂᒃ ᕼᐊᒻᒪᓚᑦᑯᓐᓂᒡᓗᓐᓃᑦ (38% ᐳᓴᓐᑏᑦ) ᐊᐱᖅᓱᖅᑕᐅᓕᕋᒥᒃ, ᑕᐃᒃᑯᐊᓗ ᐊᒥᐊᒃᑯᖏᑦ 62% ᐳᓴᓐᑏᑦ ᐱᓕᕆᖏᓐᓂᕋᐃᓪᓗᑎᒃ ᐃᖕᒥᓂᒃ ᑕᐃᒃᑯᓇᓂ. ᑖᒃᑯᐊ 62% ᐳᓴᓐᑎᖏᓃᑦᑐᓂᒃ, 2/3−ᓗᐊᖏᑦᑕᐅᖅ ᒐᕙᒪᒃᑯᓐᓂᒃ ᐱᓕᕆᕙᓚᐅᕐᓂᕋᖅᑐᑦ ᐊᒻᒪᓗ 1/3-ᖏᓃᔅᓱᑎᒃ ᒐᕙᒪᒃᑯᓃᓚᐅᖅᓯᒪᖏᑦᑐᑦ.
ᐃᓚᐅᔪᒪᓂᖏᑦ
ᒐᕙᒪᒃᑯᖏᓃᖏᑦᑐᑦ ᐱᓕᕆᔩᑦ (62% ᐳᓴᓐᑏᑦ ᐊᐱᖅᓱᖅᑕᐅᓚᐅᖅᑐᓂ, 311 ᐃᓄᐃᑦ) ᐃᓚᖃᖅᓱᑎᒃ ᒐᕙᒪᒃᑯᓐᓂ ᐱᓕᕆᕙᓚᐅᕐᓂᖏᓂᒃ (42% ᐳᓴᓐᑏᑦ ᑕᒪᐃᓐᓂᒃ ᐊᐱᖅᓱᖅᑕᐅᓚᐅᖅᑐᓂ) ᒐᕙᒪᒃᑯᓐᓂᒃ ᐱᓕᕆᐊᒃᓴᕐᓂᕐᒥᒃ ᐱᐅᔪᓂᕋᐃᕙᓚᐅᖅᑐᑦ 89% ᐳᓴᓐᑏᑦ ᐱᓕᕆᐊᖃᕈᒪᓚᐅᖅᑐᑦ ᕼᐊᒻᒪᓚᑦᑯᓐᓂᒃ/ᓄᓇᓕᒡᔪᐊᖓᓂᓗᓐᓂᑦ ᐃᖃᓗᐃᑦ, ᓄᓇᕗᑦ ᒐᕙᒪᒃᑯᖏᓐᓂᒃ, ᐅᕝᕙᓗᓐᓃᑦ ᑲᓇᑕᐅᑉ ᒐᕙᒪᒃᑯᖏᓐᓂ. ᒐᕙᒪᒃᑯᓂ ᐱᓕᕆᕖᑦ ᐱᔪᒪᔭᐅᓂᖅᓴᐅᕙᓚᐅᖅᑐᑦ ᐊᐱᖅᓱᖅᑕᐅᔪᑦ ᐃᓱᒪᒋᔭᐅᓂᖏᓐᓄᑦ ᐊᑭᓕᖅᑐᐃᑦᑎᐊᖃᑦᑕᕐᓂᖏᓐᓂᒃ (26% ᐳᓴᓐᑏᑦ), ᐊᒃᑐᖅᓯᓯᒪᔪᓐᓇᕐᓂᖏᓐᓂᒃ ᓄᓇᓕᖕᓂᒃ (15% ᐳᓴᓐᑏᑦ), ᖁᕕᐊᒋᓚᐅᖅᑕᖏᓂᒃ ᐱᓕᕆᐊᒥᓂᒃ (14% ᐳᓴᓐᑏᑦ), ᐊᒻᒪᓗ ᐱᐅᔫᑎᓂᒃ ᐃᑲᔪᓯᐊᖅᑖᕈᑕᐅᔪᓐᓇᕐᓂᖏᓐᓂᒃ (13% ᐳᓴᓐᑏᑦ).
ᑕᐃᒃᑯᓇᖓᑦ 62% ᐳᓴᓐᑎᓂᒃ ᑭᐅᖃᑦᑕᓚᐅᖅᑐᓂᒃ ᐱᓕᕆᖏᑦᑐᑦ ᒐᕙᒪᒃᑯᓐᓂᒃ, 52% ᐳᓴᓐᑎᖏᑦ ᐱᓇᓱᒃᓯᒪᓚᐅᖅᑐᑦ ᐱᓕᕆᐊᒃᓴᓂᒃ ᒐᕙᒪᒃᑯᓐᓂᒃ ᐅᕝᕙᓗᓐᓃᑦ ᕼᐊᒻᒪᓚᑦᑯᓐᓂᒃ. ᑕᐃᒃᑯᓇᖓᑦ ᐱᓕᕆᕕᒃᓴᖅᑖᕋᓱᓚᐅᖅᑐᓂᒃ ᒐᕙᒪᒃᑯᓐᓂᒃ, 80% ᐳᓴᓐᑎᖏᑦ ᐆᒃᑐᓕᓚᐅᖅᑐᑦ ᐱᓕᕆᐊᒃᓴᓂᒃ. ᐊᒻᒪᑕᐅᖅ ᓯᓕ, 57% ᐳᓴᓐᑏᖏᑦ ᒐᕙᒪᓂᖏᑦᑐᓂᒃ ᐱᓕᕆᔩᑦ ᐸᕐᓇᒃᓯᒪᓚᐅᖅᑐᑦ ᐆᒃᑐᕈᒪᓂᖅ ᐱᓕᕿᕕᒃᓴᓂᒃ ᒐᕙᒪᒃᑯᓐᓂᓗᓐᓂᑦ ᕼᐊᒻᒪᓚᑦᑯᓐᓂᓗᓐᓂᑦ ᐊᕐᕋᒍᓂᐊᖅᑐᒥ, ᑖᒃᑯᐊᓗ ᐊᒥᓱᕈᖅᓯᒪᓚᐅᖅᑐᑦ ᐱᓕᕆᕝᕕᐅᔪᑦ ᖃᐅᔨᒪᔭᐅᓕᕋᒥᒃ ᐃᓄᐃᑦ ᐃᓕᖅᑯᓯᖏᓐᓂᒃ ᐊᑐᖅᐸᖕᓂᖏᓐᓂᒃ (93% ᐳᓴᓐᑏᑦ ᐆᒃᑐᕐᓂᐊᓚᐅᖅᑐᑦ).
ᓲᖃᐃᒻᒪᓗᓐᓂᑦ, 69% ᐳᓴᓐᑏᑦ ᒐᕙᒪᐅᖏᑦᑐᓂ ᐱᓕᕆᔨᑦ ᐊᐱᖅᓱᖅᑕᐅᔪᓂᒃ ᑭᐅᖃᑦᑕᓚᐅᖅᑐᓂᒃ, (62% ᐳᓴᓐᑏᑦ ᐊᐱᖅᓱᖅᑕᐅᔪᑦ, 311 ᐃᓄᐃᑦ) ᐃᓱᒪᖃᓚᐅᖅᑐᑦ ᐱᒻᒪᕆᐊᓘᓂᖏᓐᓂᒃ ᐃᓄᐃᑦ ᑐᑭᓯᐅᒪᑦᑎᐊᖃᑦᑕᕆᐊᖃᕐᓂᖏᑦ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ ᐊᒻᒪᓗ ᐃᓄᐃᑦ ᐱᐅᓯᕆᕙᒃᑕᖏᓐᓂᒃ.
ᒪᓐᓇᐅᓕᖅᑐᖅ ᒐᕙᒪᒃᑯᓐᓂᒃ ᐱᓕᕆᔨᐅᔪᑦ ᑭᐅᖃᑦᑕᑲᓚᐅᖅᑐᑦ (38% ᐳᓴᓐᑏᖏᑦ ᐊᐱᖅᓱᖅᑕᐅᓚᐅᖅᑐᓂᒃ, 189 ᐃᓄᐃᑦ) ᐅᖃᐅᓯᖃᓚᐅᕐᒥᔪᑦ ᐱᒻᒪᕆᐊᓘᓂᖏᓐᓂᒃ ᐱᓕᕆᕕᖏᓐᓂᒃ ᐃᑲᔪᖅᓱᐃᔭᕆᐊᖃᕐᓂᖏᑦ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ. ᐃᑲᔪᖅᓱᖅᑕᐅᔪᓐᓇᕐᓂᖏᑦ ᐱᓕᕆᔨᐅᖃᑎᖏᓐᓂᑦ (89% ᐳᓴᓐᑏᑦ) ᐊᒻᒪᓗ ᐊᖓᔪᖄᕆᔭᖏᓐᓄᑦ (87% ᐳᓴᓐᑏᑦ) ᑕᐃᒪᑎᒋᑲᓴᑦᑎᐊᖅ ᐱᒻᒪᕆᐅᓂᖃᓚᐅᕆᕗᑦ ᑭᐅᕙᓚᐅᖅᑐᓄᑦ. ᐊᒻᒪᑕᐅᖅ ᑕᒪᕐᓴᑲᓴᐃᑦ ᒐᕙᒪᒃᑯᓐᓂ ᐱᓕᕆᔨᐅᔪᑦ (71% ᐳᓴᓐᑎᖏᑦ) ᐃᓱᒪᖃᓚᐅᕐᒥᔪᑦ ᐱᒻᒪᕆᐅᓘᓂᖏᓐᓂᒃ ᐊᑐᕈᓐᓇᕐᓂᖅ ᐅᖃᐅᓯᕐᓂᒃ ᐃᓄᒃᑎᑐᑦ ᐃᓄᐃᓐᓇᖅᑐᓪᓗᓐᓃᑦ ᐱᓕᕆᕕᖕᒥᓂᒃ, ᐊᑐᕈᒪᒍᑎᒃ.
ᖃᓄᒋᔭᖏᑦ 1/3−ᓗᐊᑦ ᒐᕙᒪᒃᑯᓐᓂ ᐱᓕᕆᔩᑦ ᑭᐅᖃᑦᑕᓚᐅᖅᑐᑦ ᐊᖓᔪᖄᖃᓚᐅᖅᑐᑦ ᐃᓄᖕᓂᒃ (37% ᐳᓴᓐᑏᑦ) ᑕᐃᒃᑯᐊᓗ 62% ᐳᓴᓐᑏᑦ ᖃᐅᔨᓴᖅᑎᖃᓚᐅᖏᑦᑐᑦ ᐃᓄᖕᒥᒃ. 35% ᐳᓴᓐᑎᖏᑦ ᐅᖃᕈᓐᓇᖃᑦᑕᓚᐅᖅᑐᑦ ᐃᓄᒃᑎᑐᓪᓗ ᐃᓄᐃᓐᓇᖅᑐᓪᓗ ᑕᒪᐃᓐᓂᒃ ᖃᖓᑐᐃᓐᓇᖅ ᐱᓕᕆᓂᕐᒥᓂ. ᐊᒥᓲᓂᖅᓴᐃᑦ ᑭᐅᖃᑦᑕᒪᐅᖅᑐᑦ ᐱᕕᒃᓴᖃᖅᑎᑕᐅᑦᑎᐊᖃᑕᕐᓂᖏᓐᓂᒃ ᐃᓄᐃᑦ ᐃᓕᖅᑯᓯᖏᓐᓂᒃ ᐃᓕᓐᓂᐊᕈᓐᓇᕐᓂᖅ ᒐᕙᒪᒋᔭᖏᓐᓂ ᐊᒻᒪᓗ ᕼᐊᒻᒪᓚᑦᑯᑦ ᐱᓕᕆᕕᖏᓐᓂ (71% ᐳᓴᓐᑏᑦ).
ᐊᑐᐃᓐᓇᐅᓂᖏᑦ
ᐊᐱᖅᓱᖅᑕᐅᔪᑦ ᐃᓚᐅᓚᐅᖅᑐᑦ ᐊᐱᕆᔭᐅᓚᐅᖅᑐᑦ ᐅᓂᒃᑳᕈᓐᓇᕐᒪᖓᑖ ᖃᓄᖅ ᑐᑭᓯᐊᕐᓂᕐᒥᓂᒃ ᐊᑐᐃᓐᓇᐅᔪᓐᓇᕐᓂᕋᐃᓂᖅ ᐱᓕᕆᐊᒃᓴᖅᑖᕈᓐᓇᕐᓂᕐᒧᑦ. ᐃᓱᒪᖃᓚᐅᖅᑐᑦ ᐊᑐᐃᓐᓇᐅᔪᓐᓇᕐᓂᖅ ᐱᓕᕆᔪᓐᓇᕐᓂᕐᒧᑦ ᐃᓚᖃᕋᔭᕐᓂᖅ ᐱᔪᒪᓂᖃᕐᓂᖅ ᑎᒍᓯᔪᓐᓇᕐᓂᖅ ᐊᒻᒪᓗ ᐱᓯᒪᐃᓐᓇᕆᐊᕐᓂᖅ ᐱᓕᕆᕕᖕᒥᓂᒃ, ᐃᓕᓐᓂᐊᒃᑲᓐᓂᖃᑦᑕᕐᓗᓂᓗ ᐱᔭᕆᐊᖃᕋᖓᒥ.
62% ᐳᓴᓐᑎᓪᓗᐊᑦ ᐊᐱᖅᓱᖅᑕᐅᓚᐅᖅᑐᓂ ᒐᕙᒪᒃᑯᓐᓂᑦ ᐱᓕᕆᔨᐅᓚᐅᖏᒻᒪᑕ, ᐊᒥᓲᓂᖅᓴᐃᓪᓗ (79% ᐳᓴᓐᑏᑦ) ᑖᒃᑯᓇᖓᑦ ᐅᖃᐅᓯᖃᖃᑦᑕᓚᐅᖅᑐᑦ ᐊᑐᐃᓐᓇᐅᓇᔭᕐᓂᖅ ᐃᓚᖏᓐᓂ ᑕᕿᐅᔪᓂ ᐊᕐᕋᒍᒥ. ᐃᓚᖏᑦᑕᐅᖅ ᑖᒃᑯᓇᖓᑦ ᑭᐅᖃᑦᑕᓚᐅᕐᒥᔪᑦ ᐱᓕᔪᓐᓇᕐᓂᕋᐃᓂᖅ ᐅᓪᓗᓕᒪᖅᑐᓂᒃ. (74% ᐳᓴᓐᑏᑦ).
ᐸᕐᓇᒃᓯᒪᕙᒋᑦᑎᐊᕐᓂᖅ
ᐊᕝᕙᓪᓗᐊᑲᓴᖏᑦ (47% ᐳᓴᓐᑏᑦ) ᑕᒪᐃᓐᓂᒃ ᐊᐱᖅᓱᖅᑕᐅᔪᓂ ᑭᐅᖃᑦᑕᓚᐅᖅᑐᑦ ᐃᓕᓐᓂᐊᓂᒍᑎᖃᕐᓂᕋᐃᓪᓗᑎᒃ, ᐅᕝᕙᓗᓐᓃᑦ ᓇᓕᖃᖏᓐᓂ/ᓇᓕᒧᒋᔭᖏᓐᓂᒃ ᓱᕐᓗ ᑕᒪᐃᓐᓂᒃ ᐃᓕᓐᓂᐊᖅᓯᒪᓂᕐᒧᑦ ᐱᕙᓪᓕᐊᓯᒪᓂᕐᒥᓂᒃ, ᐃᓐᓇᐃᑦ ᐃᓕᓐᓂᐊᕈᑎᖏᓐᓂᒃ ᐅᕝᕙᓗᓐᓃᑦ ᐊᓯᖏᓐᓂᒃ ᐋᖅᑯᑎᒃᑰᖅᓯᑎᒪᓂᖅ ᐃᓐᓇᐃᑦ ᖁᑦᑎᖕᓂᖅᓴᓂᒃ ᐃᓕᓐᓂᐊᕌᓂᒍᓐᓇᕐᓂᖏᓐᓂᒃ. ᐊᒻᒪᑕᐅᖅ ᓱᓕ, 60% ᐳᓴᓐᑎᖏᑦ ᑕᒪᕐᒥᒃ ᐊᐱᖅᓱᖅᑕᐅᓚᐅᖅᑐᓂ ᐅᖃᓚᐅᖅᑐᑦ ᐃᓕᓐᓂᐊᕋᓂᒃᓯᒪᓂᕋᐃᓂᖅ, ᐅᖓᑕᓃ ᖁᑦᑎᖕᓂᖅᓴᓂᒃ ᐃᓕᓐᓂᐊᕋᓂᒃᓯᒪᓂᕐᒥᓂᒃ. ᑭᐅᖃᑦᑕᓚᐅᖅᑐᑦᑕᐅᖅ ᐊᒥᓱᒐᓴᖕᓂᒃ ᐊᔪᖏᓐᓂᖃᖃᑦᑕᓚᐅᖅᑐᑦ, ᓲᕐᓗ ᒪᑯᓂᖓ:
- ᐊᓯᒥᓂᒃ ᐱᓕᕆᖃᑎᖃᕈᓐᓇᕐᓂᖅ (89% ᐳᓴᓐᑏᑦ);
- ᑐᑭᓯᐅᒪᖃᑦᑕᐅᑎᑦᑎᐊᕈᓐᓇᕐᓂᖅ (73% ᐳᓴᓐᑏᑦ);
- ᖃᕆᑕᐅᔭᓕᕆᓂᖅ ᐊᒻᒪᓗ ᖃᕆᑕᐅᔭᒃᑯᑦ ᐅᖓᓯᒃᑐᒃᑰᕈᓐᓇᕐᓂᖅ (71% ᐳᓴᓐᑏᑦ); ᐊᒻᒪᓗ
- ᓇᕿᑦᑕᕈᓐᓇᕐᓂᖅ ᐊᒻᒪᓗ ᑎᑎᕋᕈᓐᓇᕐᓂᕐᒥᒃ ᐊᔪᖏᓐᓂᖃᕐᓂᖅ (67% ᐳᓴᓐᑏᑦ).
ᒫᓐᓇᐅᔪᖅ ᒐᕙᒪᒃᑯᑦ ᐱᓕᕆᔨᖏᑦ ᐊᐱᖅᓱᖅᑕᐅᓚᐅᖅᑐᑦ ᐅᖃᑲᐅᓯᖃᓚᐅᖅᑐᑦ ᐊᒥᓱᒐᓴᖕᓂᒃ ᐊᔪᖏᓐᓂᖃᕐᓂᕐᒥᓂᒃ ᐊᔪᕈᓐᓃᖅᓴᖅᑎᑕᐅᖃᑕᕐᓂᖅᓴᐅᓂᖏᓐᓄᑦ ᓴᓂᐊᓂ ᐊᓯᖏᓐᓂᒃ ᐱᓕᕆᕕᐅᕙᒃᑐᓂᒃ. ᒫᓐᓇᐅᔪᖅ ᒐᕙᒪᒃᑯᓐᓂᒃ ᐱᓕᕆᔨᐅᔪᑦ ᐅᖃᐅᓯᖃᖅᓯᒪᔪᑦ ᐱᓕᕆᖃᑎᖃᑦᑎᐊᕈᓐᓇᕐᓂᕐᒥᓂᒃ (92% ᐳᓴᓐᑏᑦ) ᒫᓐᓇᐅᔪᖅ ᒐᕙᒪᒃᑯᓐᓂᒃ ᐱᓕᕆᔨᐅᔪᓂᒃ, ᓴᓂᐊᓂ ᑕᐃᒃᑯᓇᖓᑦ 81% ᐳᓴᓐᑎᖏᓃᑦᑐᓂᒃ ᒐᕙᒪᒃᑯᖏᓂᖏᑦᑐᓂᒃ ᐱᓕᕆᔨᓂᒃ) ᐃᓄᓕᒫᑦ ᓴᖏᓐᓂ ᐅᖃᕈᓐᓇᕐᓂᖅ (84% ᐳᓴᓐᑏᑦ) ᒫᓐᓇᐅᔪᖅ ᒐᕙᒪᒃᑯᓐᓂᑦ ᐱᓕᕆᔨᖏᑦ ᓴᓂᐊᓂ ᑕᐃᒃᑯᓇᖓᑦ 58% ᐳᓴᓐᑎᖏᓃᑦᑐᓂᒃ ᒐᕙᒪᐅᖏᑦᑐᓂᒃ ᐱᓕᕆᕕᖕᓂ, ᐊᒻᒪᓗ ᓇᕿᑕᕈᓐᓇᕐᓂᖅ (80% ᐳᓴᓐᑏᑦ ᒫᓐᓇᐅᔪᖅ ᒐᕙᒪᒃᑯᑦ ᐱᓕᕆᔨᖏᓐᓂᒃ ᓴᓂᐊᓂ 50% ᐳᓴᓐᑏᑦ ᒐᕙᒪᖏᑦᑐᓂᒃ ᐱᓕᕆᔨᓂᒃ) ᐊᔪᖏᓐᓂᖃᖅᑐᑦ.
ᓄᓇᓕᖕᓂ ᐊᐱᖅᓱᖅᑕᐅᖃᑕᐅᓚᐅᖅᑐᑦ ᐃᓱᒪᒋᔭᐅᖁᔨᓚᐅᖅᑐᑦ ᐊᔪᖏᓐᓂᖏᑦ ᐃᓚᖃᕐᓂᖏᓐᓂᒃ ᒐᕙᒪᒃᑯᓐᓂᒃ ᐱᓕᕆᔨᐅᓂᖏᓐᓄᑦ ᐊᔪᕈᓐᓃᖅᓴᖅᑕᐅᔪᓐᓇᕐᒪᑕ ᐊᑐᕐᓗᑎᒃ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ ᐱᐅᓯᕆᔭᐅᕙᒃᑐᓂᒃ. ᐅᖃᐅᓯᖃᓚᐅᕐᒪᑕ ᐃᓕᓐᓂᐊᖅᓯᒪᓂᕋᐃᓪᓗᑎᒃ ᐃᓚᖃᑦᑕᕐᓂᕐᒥᓄᑦ ᐃᓚᒥᓂᒃ, ᓄᓇᓕᖕᓂ ᐊᒻᒪᓗ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ:
- ᐅᔾᔨᖅᑐᑦᑎᐊᕆᐊᖃᕐᓂᖅ ᖃᓄᐃᓪᓕᐅᓗᑐᕐᓂᕐᒥᓂᒃ;
- ᑲᔪᓯᑐᐃᓐᓇᕈᓐᓇᕐᓂᖅ ᐊᒃᓱᕈᕋᓗᐊᖅᑎᓪᓗᒍ ᐊᒻᒪᓗ ᐱᑦᑎᐊᔪᓴᐃᓐᓇᒍᒪᓂᕐᒥᒃ ᐱᐅᓯᖃᕐᓂᖅ ᐱᓕᕆᕕᖕᒥᓂ;
- ᑐᓴᐅᒪᖃᑦᑕᐅᑎᑦᑎᐊᕆᐊᖃᕐᓂᖅ ᐊᒻᒪᓗ ᓈᓚᒍᓐᓇᕐᓂᕐᒥᒃ ᐊᔪᖏᓐᓂᖃᕐᓂᖅ;
- ᐊᒥᓱᒐᓴᖕᓂᒃ ᐊᔪᖏᓐᓂᖃᕐᓂᖅ ᐱᓕᕆᖃᑎᖃᑦᑎᐊᕈᓐᓇᕐᓂᖅ ᐊᓯᒥᓂᒃ, ᓲᕐᓗ ᖃᐊᑭᕋᖅᑑᑎᖃᖅᑕᐃᓕᒪᐃᓐᓇᕆᐊᖃᕐᓂᖅ, ᐱᓕᕆᖃᑎᒋᑦᑎᐊᕈᓐᓇᕆᐊᖃᕐᓂᖅ ᐊᒻᒪᓗ ᐊᓯᒥᓂᒃ ᐱᑦᑎᐊᖃᑦᑕᕆᐊᖃᕐᓂᖅ;
- ᐸᕐᓇᐅᑎᓕᐅᕐᓂᖅ ᐊᒻᒪᓗ ᐃᓱᒪᓕᐅᖅᑎᐅᔪᓐᓇᕐᓂᖅ;
- ᓯᕗᓕᐅᖅᑎᐅᔪᓐᓇᕆᐊᖃᕐᓂᖅ;
- ᑎᒥᑯᑦ ᐊᔪᖏᓐᓂᖃᕆᐊᖃᕐᓂᖅ; ᐊᒻᒪᓗ
- ᐊᕙᑎᒥᒃ ᖃᐅᔨᒪᑦᑎᐊᕆᐊᖃᑦᑕᕐᓂᖅ.
ᐊᒥᓲᓂᖅᓴᐃᑦ (86% ᐳᓴᓐᑏᑦ) ᑕᒪᐃᓐᓂ ᐊᐱᖅᓱᖅᑕᐅᔪᓂ ᐃᓚᐃᔪᐃᓐᓇᓚᐅᖏᑦᑐᑦ ᐊᔪᖏᓐᓂᕐᒥᓂᒃ ᐱᐅᓯᑎᑦᑎᒋᐊᕋᓱᐊᕐᓂᖅ ᑕᐃᔅᓱᒪᓂ ᐊᐱᖅᓱᖅᑕᐅᓂᖏᓐᓂ. ᐊᒥᓱᓂᖅᐹᖑᓯᒪᔪᓂᒃ ᐃᓚᐅᖃᑦᑕᖏᓐᓂᖅ ᐃᓕᓐᓂᐊᕈᑎᒃᓴᓄᒃ ᐱᔾᔪᑎᖃᓚᐅᖅᑐᑦ ᐃᓚᒋᖕᓂᖏᓐᓄᑦ ᑲᒪᒋᔭᖃᕆᐊᖃᕐᓂᕐᒥᓄᑦ (21% ᐳᓴᓐᑏᑦ), ᓱᓕᔪᖅᓴᕋᒥᒃ ᐃᓕᓐᓂᐊᒃᑲᓐᓂᕆᐊᖃᕈᓐᓃᕐᓂᖅ (16% ᐳᓴᓐᑏᑦ), ᐊᓯᐊᒎᕐᕕᒃᓴᖃᖏᓐᓂᕐᒥᓄᑦ ᓄᓇᒥᓂ ᖁᑦᑎᖕᓂᖅᓴᓂᒃ ᐃᓕᓐᓂᐊᑲᓐᓂᕈᓐᓇᕐᓂᖅ (11% ᐳᓴᓐᑏᑦ), ᐅᕝᕙᓗᓐᓃᑦ ᐱᕕᒃᓴᖃᖏᓐᓂᕐᒥᓄᑦ (9% ᐳᓴᓐᑏᑦ).
ᐊᒥᓲᓂᖅᓴᐅᒐᓚᑐᐃᓐᓇᖅᑐᑦ (57% ᐳᓴᓐᑏᑦ) ᐊᐱᖅᓱᖅᑕᐅᔪᓂ ᒫᓐᓇᐅᔪᖅ ᒐᕙᒪᓐᓂᒃ ᐱᓕᕆᔨᐅᖏᑦᑐᑦ ᑭᓯᐊᓂ ᓱᓕ ᐱᓕᕆᔨᖑᕈᒪᔪᑦ, ᐅᖃᓚᐅᖅᑐᑦ ᐊᔪᕈᓐᓃᖅᓴᖅᑕᐅᒃᑲᓐᓂᕆᐊᖃᕐᓂᕐᒥᓂᒃ ᐱᓕᕆᔪᓐᓇᖅᓯᓂᐊᕈᑎᒃ ᒐᕙᒪᒃᑯᓐᓂᓗᓐᓃᑦ ᕼᐊᒻᒪᓚᑦᑯᓐᓂᓗᓐᓃᑦ, ᑕᐃᒃᑯᐊᓗ ᐊᓯᖏᑦ ᐊᒥᐊᒃᑯᖏᑦ 43% ᐳᓴᓐᑏᑦ ᐃᓱᒪᖃᓚᐅᖅᓱᑎᒃ ᐱᔪᓐᓇᕐᓂᖄᓂᖕᓂᕐᒥᓂᒃ ᐊᔪᖏᑕᐅᔭᕆᐊᓕᖕᓂᒃ. ᑭᐅᖃᑦᑕᓚᐅᖅᑐᑦ
ᐃᓱᒪᒐᔪᖏᓐᓂᖅᓴᐅᓚᐅᖅᑐᑦ ᐊᔪᖏᓐᓂᖄᓂᒐᓱᒋᓂᖅ ᒐᕙᒪᒃᑯᓐᓂ ᐱᓕᕆᔨᐅᔪᓐᓇᕐᓂᕐᒧᑦ ᐃᓕᓐᓂᐊᓂᒃᓯᒪᖏᓂᖏᓐᓄᑦ ᖁᑦᑎᖕᓂᖅᓴᓂᒃ, ᑎᑎᖃᖁᑎᖃᖏᓐᓂᕐᒥᓄᑦ ᐅᕝᕙᓗᓐᓃᑦ ᓇᓗᓇᐃᒃᑯᑕᖃᖏᓐᓂᕐᒥᓄᑦ.
ᐊᐱᖅᓱᖅᑕᐅᖃᑕᐅᔪᑦ ᖃᐅᔨᒪᓂᕋᓚᐅᖅᑐᑦ ᐊᑕᐅᓯᕐᒥᒃ ᐊᔪᕈᑕᐅᕙᒃᑐᓂᒃ ᖁᑦᑎᖕᓂᖅᓴᓂᒃ ᐃᓕᓐᓂᐊᕌᓂᒍᑎᖃᕈᓐᓇᕐᓂᖅ ᐱᔾᔪᑎᖃᓚᐅᕐᓂᖓᓂᒃ ᐱᑕᖃᖏᓐᓂᖏᓐᓂᒃ ᐃᓕᓐᓂᐊᒃᑲᓂᕈᑎᒃᓴᐃᑦ ᓄᓇᒥᓂ. ᐃᓚᐅᖃᑦᑕᓚᐅᖅᑐᑦ ᐅᖃᐅᓯᑎᖃᖅᐸᓚᐅᖅᑐᑦ ᐊᑭᑐᖃᑦᑕᕐᓂᖏᓐᓂᒃ ᐃᓕᓐᓂᐊᒃᑲᓐᓂᕈᑎᒃᓴᐃᑦ,3 ᐊᐅᓪᓚᕆᐊᖃᕐᓂᖅ, ᐊᒻᒪᓗ ᐊᑭᑐᔪᑎᖏᑦ ᐱᑕᖃᕆᐊᓖᑦ ᐃᓕᓐᓂᐊᖃᑕᐅᓂᐊᕈᑎᒃ ᓯᓚᑕᖏᓐᓂᒃ ᓄᓇᖓᑕ.
ᓲᖃᐃᒪᓗᓐᓃᑦ ᐊᒥᓲᓂᖅᓴᒻᒪᕇᑦ (90% ᐳᓴᓐᑎᖏᓃᑦᑐᑦ) ᑕᒪᐃᓐᓂ ᐊᐱᖅᓱᖅᑕᐅᔪᓂ ᐃᓕᓐᓂᐊᒃᑲᓐᓂᕈᒪᓇᔭᖅᑐᑦ ᐊᔪᕈᓐᓃᖅᓴᕐᕕᓕᐊᕐᓗᑎᒡᓗᓐᓂᑦ ᓄᓇᒥᓂᒃ (ᐊᒻᒪᓗ ᐊᑭᖃᖏᑦᑐᒥ). ᐱᔪᒪᓂᖏᑦ ᑲᑕᒃᐸᓪᓕᐊᓕᓚᐅᖅᑐᑦ ᐃᓛᒍᑦ ᐃᓕᓐᓂᐊᕈᑎᒃᓴᐃᑦ ᐊᔪᕈᓐᓂᕐᓴᕕᒃᓴᐃᓪᓗᓐᓃᑦ ᐊᓯᐊᓂᓐᓇᔭᖅᐸᑕ ᓄᓇᓕᖕᓂ ᓄᓇᕗᒻᒥ (75% ᐳᓴᓐᑏᑦ).
ᒪᓐᓇᐅᔪᖅ ᒐᕙᒪᒃᑯᑦ ᐱᓕᕆᔨᖏᑦ
ᐅᑯᐊ ᑕᒡᕙ ᐊᕕᒃᑐᖅᓯᒪᓂᖏᑦ ᐅᖃᐅᓯᖃᖅᐳᑦ ᖃᐅᔨᔭᐅᓚᐅᖅᑐᓂᒃ ᒪᓇᐅᔪᖅ ᒐᕙᒪᒃᑯᓐᓂ ᐱᓕᕆᔨᐅᔪᓂᒃ ᑭᐅᖃᑦᑕᓚᐅᖅᑕᖏᓂᒃ (38% ᐳᓴᓐᑏᑦ ᐊᒥᓱᓂᖏᑦ, 189 ᐃᓄᐃᑦ).
ᒐᕙᒪᒃᑯᓐᓂ ᐱᓕᕆᔩᑦ ᑭᐅᖃᑦᑕᓚᐅᖅᑐᑦ ᐱᓕᕆᔨᐅᒋᔭᐅᓚᐅᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ (9% ᐳᓴᓐᑏᑦ), ᓄᓇᕗᑦ ᒐᕙᒪᒃᑯᖏᓐᓄᑦ (61% ᐳᓴᓐᑏᑦ), ᐅᕝᕙᓗᓐᓃᑦ ᕼᐊᒻᒪᓚᑦᑯᓐᓄᑦ/ᓄᓇᓕᒡᔪᐊᖓᓄᓪᓗ ᐃᖃᓗᐃᑦ (27% ᐳᓴᓐᑏᑦ) ᐊᐱᖅᓱᖅᑕᐅᓂᖏᓐᓂ ᐊᐱᕆᔭᐅᖃᑕᐅᓚᐅᕐᒪᑕ ᐊᑐᖅᓯᒪᔭᖏᓐᓂᒃ ᒐᕙᒪᒃᑯᓐᓂᒃ ᐱᓕᕆᕕᖏᓐᓂ ᖃᓄᕐᓗ ᐃᓄᐃᑦ ᓄᓇᕗᒻᒥ ᐃᑲᔪᖅᓱᖅᑕᐅᔪᓐᓇᕐᒪᖔᑕ ᐱᓯᒪᔪᓐᓇᕐᓂ ᐊᒻᒪᓗ ᐊᑕᐃᓐᓇᕈᓐᓇᕐᓂᖅ ᒐᕙᒪᒃᑯᓐᓂᒃ ᐱᓕᕆᕕᖕᓂ.
ᒫᓐᓇᐅᔪᖅ ᒐᕙᒪᒃᑯᓐᓂ ᐱᓕᕆᔩᑦ ᑭᐅᖃᑦᑕᓚᐅᖅᑐᑦ ᐊᒥᓲᓂᖅᐸᓂᒃ ᐃᓕᓐᓂᐊᖅᑐᓕᕆᓂᕐᒥᒃ ᖃᓄᐃᓕᐅᖅᓯᒪᓂᕐᒥᓂᒃ (20% ᐳᓴᓐᑏᑦ), ᐱᓕᕆᕕᖕᒥ ᐃᑲᔪᖅᑎᖃᖃᑦᑕᕐᓂᕐᒥᓂᒃ (16% ᐳᓴᓐᑏᑦ), ᐊᒻᒪᓗ ᓄᓇᓕᖕᓂ ᐱᔨᑦᑎᕋᐃᔨᖃᕐᓂᕐᒧᑦ. (11% ᐳᓴᓐᑏᑦ). ᐱᐅᔪᖃᑦᑕᕐᒪᑕ ᒐᕙᒪᒃᑯᓐᓂ ᐱᓕᕆᓂᖏᑦ ᑕᒪᒃᑯᐊ ᑭᐅᖃᑦᑕᓚᐅᖅᑐᑦ ᐃᓕᑕᕆᔭᐅᓚᐅᕐᒪᑕ ᐊᔾᔨᑐᐃᓐᓇᑲᓴᒋᔭᖏᓐᓄᑦ ᒐᕙᒪᐅᖏᑦᑐᓄᑦ ᐱᓕᕆᔨᐅᔪᓄᑦ. ᓲᕐᓗ ᐆᒃᑑᑎᒋᓗᒍ, 26% ᐳᓴᓐᑏᑦ ᒐᕙᒪᒃᑯᓐᓂᐅᖏᑦᑐᖅ ᐱᓕᕆᔨᑦ ᐱᓕᕆᐊᖅᑖᕈᒪᓚᐅᖅᑐᑦ ᒐᕙᒪᒃᑯᓐᓂᒃ ᐅᖃᐅᓯᖃᒪᐅᖅᑐᑦ ᐊᑭᓕᖅᑐᖅᑕᐅᑦᑎᐊᖃᑦᑕᕐᓂᖏᓐᓂᒃ ᐱᔾᔪᑎᖃᕐᓂᕐᒥᓂᒃ ᐱᓕᕆᐊᖅᑖᕈᒪᓂᖅ. ᑕᐃᒫᒃᓴᐃᓐᓇᖅᑕᐅᖅ, 38% ᐳᓴᓐᑏᑦ ᒫᓐᓇᐅᔪᖅ ᒐᕙᒪᒃᑯᓐᓂ ᐱᓕᕆᔨᑦ ᑭᐅᖃᑦᑕᓚᐅᖅᑐᑦ ᐱᐅᓂᖅᓴᐅᓂᕋᐃᓂᖅ ᐊᑭᓕᖅᑐᖅᑕᐅᖃᑦᑎᐊᖃᑕᕐᓂᕐᒥᓂᒃ.
ᑕᐃᒃᑯᐊ ᑭᓯᐊᓂ 11% ᐳᓴᓐᑎᖏᑦ ᒐᕙᒪᒃᑯᓐᓂᒃ ᐱᓕᕆᔨᐅᔪᓂᒃ ᐃᓕᑕᖅᓯᓯᒪᓚᐅᖅᑐᑦ ᐊᔪᕈᓐᓂᖅᓴᖅᑕᐅᓯᒪᓂᕐᒥᓂᒃ ᐊᒻᒪᓗ ᐃᓕᓐᓂᐊᖅᓯᒪᓂᕐᒥᓂᒃ ᐃᑲᔪᕐᓂᖃᕈᑕᐅᓚᐅᕐᓂᕋᐃᓪᓗᑎᒃ ᒐᕙᒪᒃᑯᓐᓂᒃ ᐱᓕᕆᐊᖅᑖᕈᓐᓇᕐᒥᓄᑦ, ᐃᓚᒋᔭᐅᔪᑦ 3/4−ᒋᔭᐅᔪᑦ (75% ᐳᓴᓐᑏᑦ) ᒐᕙᒪᒃᑯᓐᓂ ᐱᓕᕆᔨᐅᔪᑦ ᐅᖃᐅᓯᖃᓚᐅᖅᑐᑦ ᐃᓚᐅᖃᑦᑕᖅᓯᒪᓂᕐᒥᓂᒃ ᐊᔪᕈᓐᓂᖅᓴᖅᑕᐅᓯᒪᓂᖅ ᐱᓕᕆᕙᓪᓕᐊᔪᓐᓇᕐᓂᖅ ᒐᕙᒪᒃᑯᓐᓄᒃ ᕼᐊᒻᒪᓚᑦᑯᓐᓄᓪᓗᓐᓂᑦ. ᐊᒥᓲᓂᖅᓴᐃᑦ ᑕᐃᒃᑯᓇᖓᑦ ᐊᔪᕈᓐᓃᖅᓴᖅᑕᐅᓯᒪᔪᑦ (89% ᐳᓴᓐᑏᑦ) ᐊᔪᕈᓐᓃᖅᓴᕈᓐᓇᖅᑎᑕᐅᓚᐅᖅᑐᑦ ᐱᓕᕆᕕᖕᒥᓄᑦ. ᑕᒪᐃᓐᓂᒃ, ᑭᐅᖃᑦᑕᓚᐅᖅᑐᑦ ᓱᓕᔪᖅᓴᕐᓂᕐᒥᓂᕐ ᐊᔪᕈᓃᖅᓯᒪᔭᖏᑦ ᐊᑑᑎᖃᕈᓐᓇᖅᓯᓚᐅᕐᓂᖏᓐᓂᒃ ᒐᕙᒪᖏᓐᓄᑦ ᐊᒻᒪᓗ ᕼᐊᒻᒪᓚᒃᑯᓐᓄᑦ ᐱᓕᕆᐊᖅᑖᖅᑎᑕᐅᓂᖏᓐᓄᑦ. ᐊᒥᓱᐊᓗᐃᑦ ᑭᐅᖃᑦᑕᓚᐅᖅᑐᑦ ᖃᓪᓗᓇᐅᔭᕈᓐᓇᕐᓂᖏᑦ (89% ᐳᓴᓐᑏᑦ), ᐃᓕᓐᓂᐊᓂᒃᓯᒪᑦᑎᐊᕐᓂᖏᑦ (80% ᐳᓴᓐᑏᑦ), ᐊᒻᒪᓗ ᐅᖃᓕᒫᕈᓐᓇᕐᓂᖏᑦ, ᑎᑎᕋᕈᓐᓇᕐᓂᖏᑦ, ᓈᓴᐅᓯᕆᔪᓐᓇᕐᓂᖏᑦ, ᐊᑲᐅᖏᓕᐅᕈᑎᖃᕈᓐᓇᖅᑐᓂᒃ ᑐᑭᓕᐅᒃᑲᓐᓂᕈᓐᓇᕐᓂᖅ (86% ᐳᓴᓐᑏᑦ) ᐊᑑᑎᖃᑦᑎᐊᓚᐅᖅᑐᑦ ᒪᓇᐅᓕᖅᑐᖅ ᐱᓕᕆᐊᕆᓕᖅᑕᖏᓐᓄᑦ.
ᖃᓂᖏᔭᖏᑦ ᑕᒫᓂ 2/3−ᖏᓃᑦᑐᑦ (68% ᐳᓴᓐᑏᑦ) ᒫᓐᓇᐅᓕᖅᑐᖅ ᒐᕙᒪᒃᑯᓐᓂ ᐱᓕᕆᔨᐅᔪᓂᒃ ᑭᐅᖃᑦᑕᓚᐅᖅᑐᓂ (38% ᐳᓴᓐᑎᖏᑦ ᐊᐱᖅᓱᖅᑕᐅᓚᐅᖅᑐᑦ, 189 ᐃᓄᐃᑦ) ᐃᓚᐅᔪᒪᓇᔭᖅᑐᑦ ᖁᕝᕙᓯᖕᓂᖅᓴᒧᐊᖅᑕᐅᔪᒪᓂᖅ ᐱᓕᕆᕕᖕᒧᑦ ᒐᕙᒪᒃᑯᓐᓂ. ᐅᖃᖃᑦᑕᓚᐅᖅᑐᑦ ᖃᐅᔨᒪᓂᕋᕐᓂᖅ ᖃᓄᖅ ᓯᕗᕙᖅᐸᓪᓕᐊᔪᓐᓇᕐᓂᖅ (84% ᐳᓴᓐᑏᑦ) ᓱᓕᔪᖅᓴᖅᓱᑎᒡᓗ ᐊᕙᑎᒦᓂᕐᒥᓂᒃ ᓯᕗᕙᕆᐊᕐᕕᐅᔪᓐᓇᑦᑎᐊᖅᑐᒥ ᐱᐅᓯᖃᖅᑐᓂᒃ (75% ᐳᓴᓐᑏᑦ ᒐᕙᒪᒃᑯᓐᓂ ᐱᓕᕆᔨᐅᔪᑦ ᐊᖏᕈᑎᖃᓚᐅᖅᑐᑦ ᐊᖓᔪᖄᖏᓐᓄᑦ ᐃᑲᔪᖅᑕᐅᓯᒪᓂᕐᒥᓂᒃ ᑎᑭᐅᑎᔪᓐᓇᕐᓂᖅ ᐱᓕᕆᕕᖕᒥᓄᑦ ᑐᕌᒐᕆᔭᐅᔪᓄᑦ). ᐃᓱᒪᒋᔭᐅᖁᔨᓚᐅᕐᒥᔪᑦ ᐊᔪᕈᓐᓃᖅᓴᖅᑕᐅᓂᖅᓴᐅᔭᕆᐊᖃᕐᓂᖏᓂᒃ ᐃᑲᔪᖅᓱᐃᓂᕐᒧᑦ ᓄᓇᕗᒻᒥ ᐃᓄᐃᑦ ᓯᕗᕙᕆᐊᒃᑲᓐᓂᕈᓐᓇᕐᓂᖏᓐᓄᑦ ᒐᕙᒪᒃᑯᑐᓐᓂ ᕼᐊᒻᒪᓚᑯᓪᓗ ᐱᓕᕆᕕᖏᓐᓂ. (41% ᐳᓴᓐᑏᑦ). ᐃᓱᒪᒋᓪᓗᒋᑦ ᓄᓇᕗᒻᒥ ᐃᓄᐃᑦ ᓱᓕ ᐱᓕᕆᔨᕈᖅᓯᒪᖏᑦᑐᑦ ᒐᕙᒪᒃᑯᓐᓂ, ᒐᕙᒪᒃᑯᓐᓂ ᐱᓕᕆᔨᐅᔪᑦᑕᐅᖅ ᓱᓕᔪᖅᓴᖅᑐᑦ ᐊᓯᒃᑲᓐᓂᖏᓐᓂᒃ ᐊᔪᕈᓐᓃᖅᓴᐅᑎᒃᓴᓂᒃ ᐱᑕᖃᖅᐸᑦ (31% ᐳᓴᓐᑏᑦ) ᐊᒻᒪᓗ ᐱᓕᕆᕕᒃᓴᖅᑖᕈᓐᓇᕈᑎᒃ (15% ᐳᓴᓐᑏᑦ) ᐃᑲᔪᕋᔭᖅᑐᑦ ᐃᖕᒥᓄᑦ ᐆᒃᑐᖃᑕᐅᔪᓐᓇᕐᓂᖅ ᒐᕙᒪᒃᑯᓐᓂᒃ ᐱᓕᕆᕕᒃᓴᓂᒃ.
ᑕᒪᐃᓐᓂᒃ ᑕᑯᓪᓗᒋᑦ, ᐊᒥᓲᓂᖅᓴᐃᑦ ᒐᕙᒪᒃᑯᓐᓂ ᐱᓕᕆᔩᑦ ᐅᖃᐅᓯᖃᓚᐅᖅᑐᑦ ᖁᕕᐊᒋᔭᖃᕐᓂᕋᐃᓂᖅ ᒪᓐᓇᐅᔪᖅ ᐱᓕᕆᕕᖕᒥᓂᒃ (89% ᐳᓴᓐᑏᑦ) ᐊᒻᒪᓗ 61% ᐳᓴᓐᑏᑦ ᓱᓕ ᐱᓕᕆᕕᒋᔭᒥᓃᑦᑐᒻᒪᓪᓗᑎᒃ ᒪᕐᕈᖕᓄᑦ ᓱᓕ ᐊᕐᕋᒍᓄᑉ ᐊᒃᓲᓪᓗᓃᑦ. (24% ᐳᓴᓐᑏᑦ ᐊᓯᐊᓄᐊᕐᓂᐊᕐᓂᕋᖅᓯᒪᓕᖅᑐᑦ ᐊᒻᒪᓗ 15% ᐳᓴᓐᑏᑦ ᖃᐅᔨᒪᓚᐅᖏᑦᑐᑦ ᐅᕝᕙᓗᓐᓃᑦ ᑭᐅᓚᐅᖏᑦᑐᑦ). ᐱᔾᔪᑕᐅᔪᑦ ᕿᒪᐃᔪᒪᓂᖅ ᐱᔾᔪᑎᖃᓗᐊᓚᐅᖅᑐᑦ ᐃᓕᓐᓂᐊᒃᑲᓐᓂᕈᒪᓂᖏᓐᓄᑦ (22% ᐳᓴᓐᑏᑦ) ᐊᒻᒪᓗ ᐱᓕᕆᐊᓂᑦᑎᐊᕐᓂᐊᕐᓕᕐᓂᖅ (18% ᐳᓴᓐᑏᑦ).
ᒐᕙᒪᒋᔭᐅᓕᖅᑐᓂᒃ ᐃᑲᔪᖅᓱᐃᓂᖅᓴᐅᔪᖃᕋᓂ ᐊᑭᕋᖅᑐᖅᑐᖃᕋᓂ ᑖᒃᑯᐊ ᓇᓗᓇᐃᒃᑯᑕᐅᕗᑦ
ᑖᒃᑯᐊ ᓇᓗᓇᐃᒃᑯᑕᐃᑦ ᑐᓂᔭᐅᓯᒪᔪᑦ ᐃᓚᒋᔭᐅᓪᓗᑎᒃ ᑭᖑᓪᓕᖅᐸᓂᒃ ᐅᓂᒃᑳᓕᐊᓂᒃ ᖃᐃᑕᐅᓯᒪᔪᓂᒃ ᐱᓕᕆᐊᒃᓴᓂᒃ ᐊᐅᓚᑦᑎᔨᐅᔪᓂᒃ.
ᑕᒡᕘᓇ ᓇᓗᓇᐃᖅᓯᕗᖓ ᐊᖓᔪᖄᕆᔭᐅᓪᓗᖓ ᑲᒪᔨᐅᓂᖅ ᐱᐅᔫᔭᕆᐊᖃᖅᑐᓂᒃ ᐊᒻᒪᓗ ᓈᓴᖅᑕᐅᓯᒪᔪᑎᒍᑦ ᖃᓄᐃᓕᖓᓂᖏᓐᓂᒃ ᐃᓄᖕᓄᑦ ᑕᖃᓃᑦᑐᓄᑦ ᐃᓱᒪᒋᔭᐅᔪᓂᒃ ᖃᐅᔨᓴᕈᑎᓂᒃ ᐱᔨᑦᑎᕋᐃᓚᐅᕐᓂᖅ ᐃᓄᖕᓂᒃ ᓄᓇᕗᒻᒥ ᐊᒻᒪᓗ ᐃᓄᓕᒪᖅᓯᐅᑎᓂᒃ ᒐᕙᒪᒃᑯᓂᒃ ᐱᓕᕆᓂᕐᒥᒃ ᑕᐃᒃᑯᐊ ᓴᕿᑎᑕᐅᔪᑦ ᒪᓕᑦᑎᐊᕐᒪᑕ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᑲᔪᖅᓱᐃᓂᖅᓴᐅᖏᓐᓂᕐᒥᒃ ᐊᑭᕋᖅᑐᐃᓂᖅᓴᐅᖏᓐᓂᕐᒥᒡᓗ ᒪᓕᒋᐊᖃᓚᐅᕐᓂᖅ ᐅᓂᒃᑳᖅᑕᐅᓯᒪᓪᓗᑎᒃ ᒪᓕᒃᑕᐅᓪᓗᑎᒃ ᑕᐃᔭᐅᔪᓂᒃ ᑐᓴᐅᒪᖃᑦᑕᐅᑎᓂᕐᒧᑦ ᐊᑐᐊᒐᖏᑦ ᑲᓇᑕᐅᑉ ᒐᕙᒪᒃᑯᓐᓄᑦ ᐊᒻᒪᓗ ᒪᓕᒃᑕᐅᔭᕆᐊᓖᑦ ᐸᕐᓇᐃᓂᕐᒧᑦ ᐊᒻᒪᓗ ᑳᓐᑐᓛᒃᑖᖅᑎᑎᔪᓐᓇᕐᓂᕐᒧᑦ ᐃᓄᖁᑎᒋᔭᐅᔪᓄᑦ ᑕᖄᓂ ᐃᓱᒪᒋᔭᐅᔪᓂᒃ ᖃᐅᔨᓴᕐᓂᕐᒧᑦ.
ᐱᓗᐊᖅᑐᒥᒃ, ᑖᒃᑯᐊ ᑐᓂᔭᐅᔪᑦ ᓴᕿᑎᑕᐅᓯᓴᒪᓕᖅᑐᑦ ᐃᓚᖃᖏᓚᑦ ᖃᐅᔨᒪᔾᔪᑎᒃᓴᖃᖅᑎᑦᑎᓂᕐᒥᒃ ᓂᕈᐊᕈᓐᓇᕐᓂᕐᒥᒃ ᐱᔾᔪᑎᖃᖅᑐᓂᒃ, ᒐᕙᒪᒋᔭᐅᔪᓂᒃ ᒪᓕᒃᑕᐅᓂᖅᓴᐅᖁᔨᓂᕐᒥᒃ, ᖃᓄᖅ ᓂᕈᐊᖁᔨᓂᖅ ᐅᕝᕙᓗᓐᓃᑦ ᖃᓄᐃᑦᑑᓂᕋᐃᓂᕐᒥᒃ ᐱᓕᕆᕙᖕᓂᖏᓐᓂᒃ ᒐᕙᒪᐃᑦ ᐊᕕᒃᑐᖅᓯᒪᓂᖏᑦ ᑕᐱᕆᑦ ᐅᕝᕙᓗᓐᓃᑦ ᓯᕗᓕᐅᖅᑎᖏᓐᓂᒃ.
ᐊᑎᓕᐅᖅᓯᒪᔪᖅ: 
ᐊᓚᓄᐊ ᕼᐋᓚᓗᒃ, ᐊᖓᔪᖄᑉ ᑐᒡᓕᖓ − ᖃᐅᔨᓴᖅᑏᑦ, R.A. ᒫᓚᑎᐊᔅᑎᒃᑯᓪᓗ ᐃᓚᖏᓪᓗ ᓕᒥᑎᑦ.